Kala rumiyin asal-usuling kutha Sukoharjo wonten
gegayutanipun kaliyan pindhahipun kraton Kartosura dhateng desa Sala, amargi
geger pacinan. Wekdal menika paprentahan Sri Susuhunan Pakubuwono II.
Pindhahipun menika saking pramayogi saking para sesepuh, Amargi kraton dipun
anggep sampun kecampuran pemberontak.
Sesampunipun Nampi pamrayogi utawi
pitutur saking sesepuh kraton, Sri Susuhunan ngawontenaken perembugan Kyai
Yosodipura, Kyai Tohjoyo, saha pangeran Wijil. Kyai Tohjoyo paring pitedah
menawi tlatah utawi wewengkon benjang ingkang kangge kraton benjang saget
ndugekaken karaharjan (Sukoraharjo). Kyai Yosodipura sarujuk saha paring iguh
pratikel bilih tlatahipun mbenjangipun tlatah ingkang mambet wangi
(Talawangi).
Sri Susuhunan sarujuk lajeng paring
prentah dhumateng Pangeran Wijil pados panggenan kraton ingkang enggal.
Pangeran Wijil nglampahi jejibahan damel kelompok. Kelompok sepisan
dipunpandhegani Suranata, Kyai Khalifah Buyut saha Mas Penghulu Pekik Ibrahim.
Kelompok dipunpandhegani dening RadenTumenggung Honggowongso saha Tumenggung
Tirwiguna.
Nuju satunggaling dinten,
sesampunipun mlampah pinten-pinten dinten, kelompok kalih nemokaken panggenan
ingkang dipunanggep cocok dipunedegaken kraton enggal. Sanesipun nemtokaken
panggenan kraton, kalih Senapati kasebut ugi nyiapaken sedaya ubarampe kangge
ngedekaken kraton, kadosta papan kangge bacira ngayun (alun-alun ngajeng),
bacira pungkuran (alun-alun wingking), papan damel senjata (pande), papan
kangge damel wrangka keris (Mranggen), papan para istri raja, saha papan kangge
kandhang gajah kangge titihan raja.
Sesampunipun sedaya rampung,
piyambakipun nglapuraken asilipun. Sri Susuhunan nyuwun iguh pratikel para
sesepuh ingkang kanyata ugi njurung asil kasebut. Namung miturut Kyai
Yosodipura tlatah kasebut babagan keamanan boten cocok kabangun kraton, amargi
tlatah menika caket kaliyan markasipun Pangeran Sambernyawa wonten Nglaroh. Ing
wekdal menika nembe boten sreg utawi boten cocog utawi pasedherekanipun
nembe congkrah kaliyan Sri Susuhunan.
Lajeng, Sri Susuhunan Pakubuwono II
mrentahaken pados Tlatah sanesipun, mrentahaken pados tlatah sanesipun, sinaosa
tlatah ingkang dipunpitados Tumenggung Honggowongso dados tlatah sukoraharjo
mboten siyos dipunbangun kraton, lajeng hasil panaliten kaserat dados
asal-usuling name kitha Sukoharjo, lajeng tlatah kala rumiyin ingkang
badhe kangge panggenan wantilan (kandhang) gajah samenika dados desa
Begajah.Panggenan ingkang kangge damel sanjata (pande) dados desa pandean.
Panggenan kangge damel wrangka keris (mranggen) dados desa Mranggen. Tlatah
kangge para istri (selir) raja dados desa Seliran. Panggenan wiyar bacira
pungkuran samenika dados alun-alun Satyanegara, lajeng tlatah ingkang kangge
bacira ngayun samena kangge kantor Kodim 9726 Sukoharjo saha mesjid kotaa.
